UzAuto Motors, бугун, 26 январдан Malibu-2 автомобилини сотиш бўйича янги аризалар қабул қилишни бошлаган эди. Лекин саноқли соатлар ўтиб, контрактация тўхтатилган.
Компания расмий вакилининг сўзларига кўра, айни вақтда харидорлар билан янги шартномалар тузилмаяпти, бироқ бу вақтинчалик ҳолат бўлиши мумкин.
Бу – ҚҚСнинг 15 фоиздан 12 фоизга пасайтирилгани ҳисобига Malibu-2 нархи 10 млн сўмга арзонлашгани ортидан рўй бермоқда.
Маълумот учун, UzAuto Motors йилига 2900 дона Malibu-2 автомобилини импорт қилади ва ички бозордаги истеъмолчиларга етказиб беради. Шу пайтга қадар олиб келинаётган автомобилларнинг таннархи очиқланмаган.
