Шимолий Корея, агар Доналд Трамп президент этиб қайта сайланса ва янги музокара стратегиясини ишлаб чиқиш устида ишласа, АҚШ билан ядровий музокараларни қайта бошламоқчи, деди Reuters’га яқинда Жанубий Кореяга қочиб келган Шимолий Кореянинг юқори мартабали дипломати.
Ри Ил Гюнинг Куба орқали қочиб кетиши ўтган ой бутун дунё бўйлаб сарлавҳаларга айланди. У 2016 йилдан бери жанубга қочган Шимолий Кореянинг энг юқори мартабали дипломати ҳисобланади.
Ри халқаро оммавий ахборот воситаларига берган биринчи интервьюсида Шимолий Корея Россия, АҚШ ва Японияни жорий йил ва ундан кейинги йиллар учун ташқи сиёсатнинг устувор йўналишлари этиб белгилаганини айтди.
Россия билан муносабатларни мустаҳкамлаш билан бирга, Пхенян, аввалги президентлик муддатида Шимолий Корея билан ўта кескин муносабатда бўлган ва мисли кўрилмаган дипломатия билан шуғулланган Трамп ноябрь ойида қайта сайланадиган бўлса, ядровий музокараларни қайта бошлашни истайди, дейди Ри.
Рига кўра, Пхенян дипломатлари ушбу стсенарий бўйича стратегияни ишлаб чиқмоқда, унинг мақсади ўзининг қурол дастурларига нисбатан санкцияларни олиб ташлаш, терроризмнинг ҳомийси сифатидаги давлат номини йўқотиш ва иқтисодий ёрдам олиш.
