Aфғонистоннинг собиқ президенти Aшраф Ғани афғон халқидан мамлакатни тарк этгани ва мамлакатни толиблар томонидан босиб олиниши билан боғлиқ вазиятни ўзгартира олмагани учун кечирим сўради. У ўз баёнотини твиттердаги саҳифасида жойлаштирди.
“Aфғонистон халқидан буларнинг барчасини бошқача ҳал қила олмаганим учун узр сўрайман. Aфғон халқига бўлган садоқатим мустаҳкам ва мени умрим давомида бошқаради”, – дейилади баёнотда.
“Мен қурол ишлатишнинг олдини олиш ва Кобулни ва унинг 6 миллион аҳолисини қутқаришнинг ягона йўли шу деб қарор қилдим.
Менинг раҳбарлигим олдинги ҳамкасбларим каби бир хил – фожиа билан тугаганидан қаттиқ афсусдаман, барқарорлик ва фаровонлик таъминланмади. Ҳамма нарсани бошқача ҳал қила олмаганим учун афғон халқидан узр сўрайман», – деди у ўз баёнотида.
Шу билан бирга собиқ президент “Коррупция – бу ўнлаб йиллар давомида мамлакатимизни чўктириб юборган вабо ва коррупцияга қарши кураш менинг президентлик фаолиятимнинг асосий йўналиши бўлди. Афғон халқига тегишли пулларни олиб кетганим ҳақидаги хабар мутлақо ёлғон”, – дея таъкидлади.