Ўзбекистонда 50 минг ва 100 минг сўмлик пуллар аста-секин алмаштирилиши ҳақидаги миш-мишлар ижтимоий тармоқларда пайдо бўлди. Марказий банканинг матбуот-хизмати бу хабарни   тасдиқламади, бироқ инкор ҳам қилгани йўқ. 

Бир неча манбалардан олинган маълумотларга қараганда, банкноталарни босқичма-босқич муомалага чиқариш режалаштирилган, уларнинг ташқи кўриниши эса яқин ойларда эълон қилинади. Янги банкноталар модернизация қилинади - улар илгари ҳеч қайси банкноталарда бўлмаган янги ҳимоя элементларига эга бўлади. Бунинг сабаби шундаки, айнан шу пуллар қалбакилаштирувчиларнинг эътиборини тортмоқда.

Дизайнга келсак, банкноталар "Буюк Ипак йўли" рукнидаги объектлар билан безатилади. Марказий банкдан расмий раддия ёки тасдиқни кутиб қоламиз.

Эслатиб ўтамизки, 100 минг сўмлик пуллар 2019 йилнинг 25 февралидан, 50 минг сўмликлар эса 2017 йилнинг 22 августидан бошлаб чиқарилмоқда.