Қорақалпоғистон Республикаси Сув хўжалиги вазири вазифасини бажарувчи лавозимига Реимбаев Адилбек Рузимухаммадович тайинланди.
Бу ҳақда Қорақалпоғистон Республикаси Сув хўжалиги вазирлиги Матбуот хизмати хабар берди.
А.Реимбаев 2000 йил Тошкент ирригация ва қишлоқ хўжалигини механизациялаш муҳандислари институтини тамомлаган. Маълумоти бўйича мутахассислиги агромуҳандис.
Меҳнат фаолияти давомида Қорақалпоғистон Республикаси Жўқорғи Кенгеси Аппарати ташкилий-назорат бўлими бошлиғининг ўринбосари, Қуйи Амударё ирригация тизимлари ҳавза бошқармаси бошлиғининг ўринбосари, «Пахтаарна-Найман» ирригация тизими бошқармаси бошлиғи, Қорақалпоғистон Республикаси Сув хўжалиги вазирининг ўринбосари лавозимларида ишлаган.
2020 йилдан ҳозирги кунгача Ўзбекистон Республикаси Президенти ҳузуридаги Давлат хизматини ривожлантириш агентлиги Қорақалпоғистон Республикаси филиали раҳбарининг ўринбосари лавозимида фаолият юритиб келаётган эди.
