Электр энергиясини етказиб бериш бўйича намунавий шартномага ўзгартиришлар киритилиши кўзда тутилган бўлиб, аҳоли ва тадбиркорларга электр энергияси етказиб беришдаги узилишлар натижасида етказилган зарарнинг ўрнини қоплашни талаб қилиш имконини беради.
Электр таъминоти ГОСТ (32144−2013) ва ГОСТ (13109−97) кўрсаткичларига мос келмаса ёки зарар узилишлар ва ўчиришлар натижасида юзага келган бўлса, зарарни қоплашга рухсат берилади.
Янги тузатишлар 2024 йил январь ойида кучга кирди ва истеъмолчилар билан одатда бир йилга тузиладиган янги шартномалар тузишда акс эттирилиши керак.
2024 йилга мўлжалланган янги намунавий шартнома Энергетика вазирлигига кўриб чиқиш учун тақдим этилди, тасдиқланганидан кейин Ўзбекистон бўйлаб истеъмолчилар билан янги шартномалар тузиш учун ҳужжат ҳудудий тармоқларга юборилади.
