Шеробод туманида кучли сел оқибатида 360 бош қўй нобуд бўлди. Қўйлардан ҳар хил касалликлар тарқалмаслиги учун улар дезинфекция қилиб кўмилган.
Қайд этилишича, жорий йилнинг 29-30 апрел, 1 май кунларида ёғингарчиликнинг кўп бўлиши оқибатида Шеробод туманининг Боғиобод маҳалласи ҳудудига кучли сел келган.
Оқибатда маҳалладаги қишлоққа адирликдан келган кучли сел қўрадаги 360 бош қўйни нобуд қилган.
Мурожаатда кўрсатилган ҳудудда ҳозирда вилоят Фавқулодда вазиятлар бошқармаси, Санитария-эпидемиология бошқармаси томонидан вазият назоратга олиниб, нобуд бўлган қўйлардан ҳар хил касалликлар тарқамаслиги учун улар дезинфекция қилиб кўмилган.
