Россияда мигрантлар учун шахсий даромад солиғини 30 фоизгача ошириш таклиф қилинмоқда. Қонун лойиҳаси Леонид Слуцкий бошчилигидаги ЛДПР фракцияси томонидан тайёрланган ва 5 август куни тасдиқлаш учун ҳукуматга юборилган.

Таъкидланишича, 2022 йил давомида Россия Федерациясида ишлаш учун рухсатнома олган хорижий фуқаролар сони 2 млн 164,6 минг кишини ташкил этган, улардан 2 млн 35 минг нафари меҳнат фаолиятини амалга ошириш учун патентга эга бўлган. 2023 йилда ҳам шундай кўрсаткич қайд этилган.