Канаданинг Онтарио вилоятидаги Торонто аэропортида Delta Airlines авиакомпаниясининг рейси билан содир бўлган воқеа оқибатида 18 киши жароҳат олди.
Бу ҳақда маҳаллий CTV телеканали хабар берди.
Олдинроқ саккиз киши жабрлангани, улардан уч нафари, жумладан, бир боланинг аҳволи оғир эканлиги хабар қилинган эди.
АҚШ Федерал авиация бошқармаси самолёт бортидаги барча 80 киши эвакуация қилингани ва қурбонлар йўқлигини тасдиқлади.
Дастлабки версияга кўра, фавқулодда ҳолатга ён томондан кўтарилган кучли шамол сабаб бўлган, бу шароитда самолёт қор билан қопланган учиш-қўниш йўлагига қўнган.
Delta Airlines авиакомпаниясининг йўловчи самолёти Канададаги Торонто аэропортига қўнаётганда ағдарилиб кетди.
Маълумотларга кўра, CRJ-900LR лайнери Миннеаполисдан Торонтога учаётган эди. Бортда экипаж аъзолари билан бирга 100 га яқин одам бўлган.
Воқеа жойида фавқулодда хизматлар ишламоқда.
Ҳодисанинг аниқ сабаблари тергов натижаларига кўра аниқланади, деб хабар беради report.az.
