Маълум қилинишича, Денов туманида ўгай ука акасини болта билан уриб, умрига зомин бўлди. Бева қолган онасининг бошқа инсон билан қайта турмуш қурганидан норози бўлган ўғил спиртли ичимлик таъсирида онаси яшаётган хонадонга бориб, жанжал кўтарган.
Онасига айтилаётган ҳақоратли сўзларга чидаб тура олмаган ўгай ука оқибатда болта билан акасини уриб, унинг ўлимига сабабчи бўлди. Ҳолат юзасидан суд иши жиноят ишлари буйича Денов туманида кўриб чиқилди.
Суд ҳукмига кўра, судланувчи ука ЖКнинг 97-модда 2-қисмининг «в», «ж» бандлари билан айбли деб топилиб, унга нисбатан 15 йил муддатга озодликдан маҳрум қилиш жазоси тайинланди.
