Ҳиндистоннинг Сундарбан мангр ўрмонларида 42 ёшли қисқичбақа овловчи Шьямапад Шил бенгаль йўлбарси ҳужумидан мўъжиза туфайли омон қолди. 21 декабрь куни у дўсти билан қайиқда тузоқларни текшириш учун йўлга чиққан. Тўлқин уларни кутилмаган ҳолда соҳилга олиб чиққан ва шу пайтда чўлдан йўлбарс чиқиб, Шилни ерга томон тортиб кетган.
Йўлбарс уни ўрмонга олиб кетмоқчи бўлган пайтда дўстларидан бири — Жагадиш Гарани — жасорат кўрсатиб, йўлбарсга таёқ билан зарба берган. Қўрқиб кетган йўлбарс Шилни қўйиб юборган ва орқага чекинган.
Шилни қайиққа ётқизиб, биринчи ёрдам кўрсатилган ва дўстлари билан бирга қишлоққа қайтишган. Гаранининг айтишича, йўлбарс уларни дарёнинг чуқурроқ қисмига чиқиб кетгунча орқаларидан юриб, ғазабли товушлар чиқариб турган.
Ҳозирда Шилнинг аҳволи барқарор, дўстларидан ҳеч бири жиддий жароҳат олмаган.
