26-сентябрдан бошлаб, «Uzbekistan airways» AЖ Тошкент – Киев – Тошкент йўналиши бўйича авиақатновларни тикламоқда. Режага мувофиқ қатнов ҳафтада бир марта – якшанба кунлари амалга оширилади. Бу ҳақда “Uzbekistan airways” хабар берди.
Тошкент – Киев йўналишида авиачипта 2 234 655 сўмдан (багажсиз) ва 2 575 535 сўмдан (багажни ҳисобга олган ҳолда), Тошкент – Киев – Тошкент йўналишидаги авиачипталар эса 4 205 223 сўмдан (багажсиз) ва 4 836 482 сўмдан (багажни ҳисобга олган ҳолда) бошланади.
Нархлар 16.09.2021 ҳолатига кўра кўрсатилган.
Чипталарни авиакомпаниянинг расмий сайтида 3% чегирма билан, Uzbekistan airways Салес филиалидан ёки авиакомпания агентларидан харид қилиб олиш мумкин.
