“Ўзавтосаноат” UzAuto Motors заводи базасида Onix ва Tracker автомобилларини ишлаб чиқаришни йўлга қўйиш учун $427,7 млн йўналтиришни режалаштирмоқда. Бу ҳақда Инвестициялар ва ташқи савдо вазирлиги томонидан умумхалқ муҳокамасига қўйилган қарор лойиҳасида келтирилмоқда.
2022−2024 йилларда Ўзбекистоннинг инвестиция дастури тўғрисидаги лойиҳага кўра, Onix ва Tracker’ни ишлаб чиқаришни йўлга қўйиш 2022 йил сентябрида ишга тушиши, ишлаб чиқариш қуввати йилига 190 минг автомобилга тенг бўлиши режа қилинган.
Шунингдек, UzAuto Motors Powertrain заводида янги автомобиль моделлари учун ҳар йили 185 мингта двигатель ишлаб чиқаришни йўлга қўяди. Бунга 2020-2023 йилларда $190,8 млн ажратилади.
