Давлат чегараси – мамлакатнинг остонаси. Унга қадам қўйиш билан, шу мамлакат ҳақида ҳам, унинг куч-қудрати, салоҳияти, керак бўлса, ривожланиш даражаси тўғрисида ҳам дастлабки тасаввурларга эга бўлиш мумкин.
Чегара мамлакатнинг нафақат ҳудудий яхлитлиги, балки иқтисодий-сиёсий ўрни учун ҳам катта аҳамиятга эга. Ўзбекистонда чегарадан ўтиш пунктларида куну-тун ҳаёт қайнайди. Бу бир томондан мамлакатнинг қўшни давлатлар билан яхши муносабатини ифода этса, иккинчи томондан монопол ҳаво йўллларининг юқори нархлари туфайли мамлакатга кириб-чиқувчиларнинг аксарияти чегара-божхона постлари орқали пиёда ўтишга мажбур бўлаётганини кўрсатади.
Ўзбекистоннинг давлат чегараси минтақадаги энг узун чегаралардан бири. Чегаралар, биринчи навбатда, дарёлар, тоғлар ва чўллар каби табиий географик хусусиятлар билан белгиланиб, баъзи қисмлари эса сунъий тўсиқлар ёки деворлар билан белгиланган.
Ogoh.uz «Яллама» чегара божхона постидан фоторепортаж тайёрлади.
Ўзбекистоннинг Қозоғистон билан чегараси энг узун бўлиб, 2 минг 356 километрдан ошади. Шимолда Сирдарё, ғарбда Орол денгизи оқими бўйлаб боради.
Бу чегара икки давлат ўртасидаги савдо ва транспорт, шунингдек, бир нечта нефт ва газ қувурлари чегарадан ўтган энергетика соҳасидаги ҳамкорлик учун жуда муҳимдир.
Бир кунда ўртача Тошкент вилояти бошқармаси чегара божхона постлари томонидан 38 минг нафар фуқаролар, 1300-1500 та транспорт ва 400 дан ортиқ транзит юклари божхона назоратидан ўтказилиб, расмийлаштириш ишлари амалга оширилади.
«Яллама» постида БМТнинг Марказий Осиёдаги Гиёҳванд моддалар ва жиноятчилик бўйича бюроси томонидан «Глобал контейнерларни бошқариш дастури» доирасида «Портал назорат гуруҳи» ташкил этилган.
Сўнгги йилларда Ўзбекистон чегара хавфсизлигини таъминлашга янада кўпроқ ҳаракат қилмоқда. Давлатимиз томонидан ноқонуний иммиграция ва одам савдосининг олдини олиш учун савдо ва туризмни осонлаштириш учун янги назорат пунктлари ва кузатув тизимлари каби чегара инфратузилмасига сармоя киритилмоқда.
Умуман олганда, Ўзбекистоннинг давлат чегараси мамлакатнинг қўшни давлатлар билан муносабатларини шакллантириш ва унинг иқтисодий ривожланишига таъсир кўрсатишда ҳал қилувчи рол ўйнайди. Ўзбекистон дунёга очилиш ва минтақавий ҳамкорликни мустаҳкамлашда давом этар экан, давлат чегараси унинг ташқи сиёсати ва миллий хавфсизлик стратегиясининг асосий элементи бўлиб қолади.
