Ҳозирда ҳолат юзасидан суриштирув ҳаракатлари олиб борилмоқда.
Бу ҳақда “Toshkent-AERO” ихтисослаштирилган божхона комплекси ахборот хизмати хабар берди.
Шу йилнинг 17 сентябрь куни “Ислом Каримов номидаги “Тошкент” халқаро аэропорти” чегара-божхона пости ходимлари томонидан “Екатеринбург-Тошкент” йўналиши бўйича учиб келган фуқаронинг 1 дона яшил рангли йўл сумкаси тегишли тартибда текширилди.
Натижада сумка ичидан божхона назоратига белгиланган тартибда тақдим этилмаган, оғзаки сўровда маълум қилинмаган, ички ишлар органларининг тегишли рухсатномаларисиз бўлган 1 дона “STALKER” пневматик тўппончаси ҳамда 860 дона ўқлар борлиги аниқланди.
