Тошкент шаҳар ФВБ Учтепа туманида автобусда юз берган ёнғин юзасидан расмий маълумот берди.
Ёнғин 20-июл куни соат 12:44 да Бирлик мавзесида содир бўлаётгани ҳақида шаҳар ФВБга хабар келиб тушган.
Ёнғин-қутқарув экипажлари воқеа жойига 6 дақиқа ичида — 12:50 да етиб борган ва оловни 12:53 да тўлиқ бартараф этган.
Маълум бўлишича, ҳодиса жойида 18-автосаройга тегишли 64-рақамли автобус ёниб зарарланган.
Ҳодиса оқибатида ҳеч ким жабрланмаган.
Ёнғин сабаблари бўйича суриштирув ишлари олиб борилмоқда.
