Бош прокуратура ижтимоий тармоқларда тарқалган Тошкент вилоятида 15 ёшли қиз отасидан ҳомиладор бўлиб қолгани айтилган видео бўйича расмий маълумот берди.

Ижтимоий тармоқларда вояга етмаган қиз отаси уни мунтазам зўрлаб келгани айтилган видео тарқалди. Ҳозирда 9-синф ўқувчиси бўлган қизнинг сўзларига кўра, отаси уни 13 ёшидан буён зўрлаб келган. Жабрланувчининг онаси айтишича, турмуш ўртоғи ишсиз бўлиб, уйда ўтиради. Оилани аёлнинг бир ўзи боқади.

Бош прокуратура мазкур ҳолат юзасидан Жиноят кодексининг тегишли моддаси билан жиноят иши қўзғатилганини маълум қилди.  Таъкидланишича, жиноят иши доирасида гумондор шахс процессуал тартибда ушланган. Тергов ҳаракатлари олиб борилмоқда.

«Мазкур иш бўйича ҳақиқатни аниқлашга тўсқинлик қилиш ҳолатларининг олдини олиш мақсадида фуқароларнинг шаъни ва қадр-қимматини камситадиган маълумотлар ва бошқа тафсилотлар ошкор қилинмайди», — дейилади хабарда.