Соғлиқни сақлаш соҳасида хусусий секторни жадал ривожлантириш, нодавлат тиббиёт ташкилотлари томонидан аҳолига тез тиббий ёрдам хизматларини кўрсатиш учун қўшимча шарт-шароитлар яратиш мақсадида:

нодавлат тиббиёт ташкилотлари томонидан ўз эҳтиёжлари учун республикага олиб кириладиган янги тез тиббий ёрдам автомобиллари 2024 йил 1 январгача импорт божхона божидан озод қилинади.

Мазкур бандда назарда тутилган имтиёз нодавлат тиббиёт ташкилотлари томонидан ушбу қарор расмий эълон қилингунга қадар олиб кирилган «божхона омбори» режимида олти ойдан кўп турган янги тез тиббий ёрдам автомобилларининг божхона расмийлаштирувида ҳам қўлланилади.