Ушбу ташриф икки ҳафта олдин мувофиқлаштирилган.

“Толибон” делегацияси Тошкентга йўл олди. Бу ҳақда “Sputnik Афганистан” хабар берди.

Делегацияга Афғонистон савдо вазири в.б. Нуриддин Азизий бошчилик қилган. Унинг таркибида шунингдек, афғон бизнесменлари ва “Толибон” аъзолари ҳам бор.

Тошкентда савдо алоқаларини янада ривожлантириш, транзит масаласи ва бизнес дуч келаётган муаммолар муҳокама қилинади.

Қайд этилишича, ушбу ташриф икки ҳафта олдин, Абдулазиз Комиловнинг Кобулга ташрифи вақтида мувофиқлаштирилган.