Ўзбекистон Республикаси Президенти Шавкат Мирзиёев Вашингтон шаҳрига амалий ташрифи доирасида Оқ уйда Америка Қўшма Штатлари Президенти Дональд Трамп билан учрашув ўтказди.

Музокаралар чоғида икки давлат ўртасидаги стратегик шерикликни янада ривожлантириш, савдо-иқтисодий ва инвестициявий ҳамкорликни кенгайтириш масалалари муҳокама қилинди.

Шунингдек, “C5+1” форматида Марказий Осиё ва АҚШ ҳамкорлигини чуқурлаштириш ҳамда Нью-Йорк шаҳрида эришилган келишувларни амалга ошириш истиқболлари алоҳида кўриб чиқилди.

Учрашув якунида Президент Мирзиёев Дональд Трампни Ўзбекистонга расмий ташриф билан келишга таклиф қилди, бу икки давлат ҳамкорлигини янада кенгайтиришга йўналтирилган муҳим қадам сифатида баҳоланди.