Хитойнинг Ubtech компанияси мамлакат автомобил саноатида янги даврни бошлади — автомобил заводларига махсус тайёрланган робот-гуманоидлар оммавий равишда жорий этилмоқда. «No Limits» Telegram-канали маълумотига кўра, 100 дан ортиқ автоном андроид ишчилар аллақачон BYD, Geely, FAW Volkswagen, Dongfeng ва Foxconn каби энг йирик автоконцернларга етказилган.

Янги гуманоид роботларнинг энг катта афзаллиги — уларнинг тўхтовсиз, 24 соат ишлай олиши. Бунга ўз-ўзини қувватлаш имкониятига эга алмашинувчи аккумулятор блоклари сабаб бўлмоқда. Иш жараёнида робот «чарчамайди», «таътилага чиқмайди» ва ишдан чалғимайди — натижада заводларда иш самарадорлиги кескин ошади.

Шу билан бирга, Хитой автомобил бозори бўйича ўтказилган таҳлиллар ҳам қизиқарли фактларни кўрсатди: Haval, Geely ва Chery каби брендлар энг юқори қолдиқ қийматига эга. Уларнинг ичида эса Haval Jolion уч йилдан кейин ҳам ўзининг бошланғич баҳосининг энг катта қисмини сақлаб қоладиган энг даромадли модел сифатида қайд этилди.

Автосаноатда роботизациянинг бундай тез суръатда ривожланиши Хитой маҳсулотларининг сифатини ошираётгани ва уларнинг халқаро бозорда янада рақобатбардош бўлиб бораётганини англатади. Экспертларнинг таъкидлашича, мамлакат яқин 5 йил ичида роботлаштирилган ишлаб чиқаришга эга энг йирик глобал марказлардан бирига айланиши мумкин.