Шароф Рашидов туманида 23 ёшли тезкор ходим Cobalt’ни бошқариб кетаётган пайтда ҳалокатга учради ва орадан бир ҳафта ўтиб шифохонада вафот этди.

Жиззах вилоятининг Шароф Рашидов туманида инсон ўлими билан якунланган йўл-транспорт ҳодисаси содир бўлди. Маълумотларга кўра, 16 ноябрь куни соат 22:15 ларда туманнинг Тоқчилик маҳалласи ҳудудида ИИБнинг 23 ёшли ходими Ж.А. отасига тегишли Cobalt’ни бошқариб кетаётган пайтда рулдаги бошқарувни йўқотиб, автомобиль ағдарилиб кетган.

Ёш ходим оғир тан жароҳатлари билан РШТЁИМ Жиззах филиалининг жонлантириш бўлимига ётқизилган. Кўрсатилган тиббий ёрдамга қарамай, у 23 ноябрь куни вафот этган.