Гонконгнинг Таи По туманидаги Ван Фук турар-жой мажмуасида содир бўлган ёнғин оқибатида жами 146 киши, жумладан, битта ўт ўчирувчи ҳалок бўлди.

South China Morning Post газетасининг ҳукумат маълумотларига таяниб хабар беришича, етмиш тўққиз киши жароҳатланган, яна 150 киши бедарак йўқолган. 

Тахминан 4800 киши истиқомат қиладиган мажмуадаги ёнғин 26 ноябр куни бошланган. У 28 ноябргача тўлиқ ўчирилмаган. Ўша пайтда 128 киши ҳалок бўлган ва 200 киши бедарак йўқолган деб хабар берилган. 

Турар-жой мажмуасидаги саккизта бино 2024 йил июль ойидан бери таъмирланмоқда. Дастлабки маълумотларга кўра, ёнғин таъмирлаш ишлари пайтида ишлатилган полистирол кўпик туфайли юзага келган, бу эса ёнғиннинг бинолар ичида тез тарқалишига олиб келган. Фасадлар бўйлаб ўрнатилган бамбук қурилмалар ишлатилиши ҳам муҳокама қилинди.

Ҳуқуқни муҳофаза қилиш органлари ходимлари одам ўлимига сабаб бўлишда гумон қилиниб, уч кишини ҳибсга олишди: иккита директор ва уйларни таъмирлаш учун масъул пудратчи маслаҳатчиси.