Ўзбекистон Республикаси Президентининг "Тошкент метрополитени фаолиятининг самарадорлигини оширишга доир қўшимча чора-тадбирлар тўғрисида" 2026 йил 15 майда ПҚ-191-сон қарори қабул қилинди.

Қарорга кўра:

— Метрополитен бошқаруви тизимига илғор халқаро тажрибани татбиқ этиш ва хизмат кўрсатиш сифатини ошириш мақсадида раҳбарлик лавозимларига хорижлик экспертларни жалб қилиш механизми йўлга қўйилади.

— 2026 йил август ойидан бошлаб халқаро хедхантер (headhunter) ташкилотлари ва нуфузли қидирув платформалари орқали чет эллик мутахассисларни (шу жумладан, хориждаги ватандошларни) жалб этиш бўйича очиқ танловлар эълон қилинади.

— 2027 йил январдан бошлаб хорижий мутахассисларни "Тошкент метрополитени" АЖ таркибига қабул қилиш бошланади.

— 2027 йил якунига қадар жамият бошқарувидаги камида 2 нафар раҳбар ходим лавозими халқаро даражадаги малакали мутахассислар ҳисобидан тўлдирилиши мажбурий этиб белгиланди.