АҚШ ҳукумати сўнгги 21 кун ичида Конго Демократик Республикаси, Уганда ёки Жанубий Суданга борган грин-карта эгаларининг мамлакатга киришини вақтинча тақиқлаганини эълон қилди. The Washington Post нашрининг ёзишича, бу чора Эбола безгагининг мамлакат ҳудудига кириб келишининг олдини олиш мақсадида жорий этилган.

Тақиқ тўғрисидаги фармойишни Соғлиқни сақлаш ва ижтимоий хизматлар вазири кичик Роберт Кеннеди имзолаган. Ҳужжатда ушбу қарор оқилона экани ва жамоат саломатлиги манфаатлари билан асослангани айтилади.

“Ушбу чора касалликни жиловлаш учун ресурслар чеклангани туфайли мажбурий бўлган. “АҚШ ҳудудида карантинга олинадиган юқумли касалликларни локализация қилиш улкан ресурсларни, жумладан, сиғими чекланган ихтисослаштирилган ва изоляция қилинган боксларни талаб этади”, дейилади ҳужжатда.

Аввалги чекловлар фақат чет элликлар учун АҚШга киришни тўсиб қўярди. Бунда Қўшма Штатлар фуқаролари ва грин-карта эгалари кирадиган қонуний доимий резидентлар учун истисно қилинган эди.