Ўзбекистон Статистика қўмитаси маълумотларига кўра, Ўзбекистонда олтин экспорти қайта тикланган.

Қимматбаҳо металл савдоси жорий йил апрель ойида қайта бошланган бўлиб, бир ой ичида экспорт ҳажми 1,5 миллиард доллардан ошган.

Таққослаш учун, ўтган йилнинг январ–апрель ойларида олтин экспорти 5,48 миллиард долларни ташкил этган.

Сўнгги марта Ўзбекистон олтин экспортини ўтган йил сентябрь ойида амалга оширган бўлиб, ўша даврда етказиб бериш ҳажми 1,47 миллиард доллар бўлган.

Май ойи бошига келиб, Ўзбекистоннинг олтин-валюта захиралари 70,8 миллиард долларга етган. Олтиннинг физик ҳажми 13,3 миллион троя унция, унинг қиймати эса 61,5 миллиард доллар деб баҳоланган.