Таҳлилларга кўра, дунёда минерал ўғитга талаб йилига 5 фоизга ошиб, 2030 йилга бориб 260 миллиард доллардан юқори бўлиши кутилмоқда. Айниқса, сувда эрувчан ўғитларга талаб агротехнологиялар ривожи сабаб кескин ортмоқда.

Маълумотларга кўра, инвесторлар билан музокаралар натижасида Қашқадарёда 230 минг тонна қувватга эга 114 миллион долларлик, Сирдарё вилоятида эса 400 миллион долларлик лойиҳаларни амалга ошириш бўйича келишувга эришилган.

Умуман, 3 йил ичида 2,8 миллиард долларлик 42 та лойиҳани ишга тушириш режалаштирилган. Натижада 2030-йилга бориб азотли ўғит ишлаб чиқариш 4 миллион тоннага, фосфорли ўғит 900 минг тоннага, сувда эрувчан ўғитлар эса 400 минг тоннага етказилиши кўзда тутилган.