Қашқадарё вилоятининг Қарши туманида жойлашган суюлтирилган газ қуйиш шохобчасида портлаш содир бўлди.

Фавқулодда вазиятлар вазирлиги маълумотига кўра, 8 июнь куни соат 13:50 да вилоят ФВБга Қарши туманидаги “Чаман” маҳалласи ҳудудида жойлашган маиший газ баллонларига суюлтирилган газ қуйиш шохобчасида портлаш бўлгани ҳақида хабар келиб тушган.

Ҳодиса жойига зудлик билан қутқарув ва ёнғин-қутқарув бўлинмалари жалб этилган. Дастлабки маълумотларга кўра, портлаш оқибатида юзага келган ёнғинни бартараф этиш ишлари олиб борилмоқда.

Айни пайтда жабрланганлар ҳақида расмий маълумот берилмаган.