Ўзбекистон болалар ҳуқуқларини таъминлаш даражасини баҳоловчи халқаро KidsRights Index 2026 рейтингида 194 та давлат орасида 96-ўринни эгаллади. Бу ўтган йилги натижага нисбатан бир поғона паст кўрсаткичдир. 2025 йилда мамлакат 95-ўриндан жой олган эди.

Рейтинг БМТнинг Бола ҳуқуқлари тўғрисидаги конвенциясини ратификация қилган давлатлар ўртасида тузилади. Давлатлар боланинг яшаш ҳуқуқи, соғлиқни сақлаш, таълим, ҳимоя ҳамда болалар учун қулай муҳит яратиш каби бешта асосий йўналиш бўйича баҳоланади.

Марказий Осиё давлатлари ичида энг яхши натижани Қозоғистон қайд этиб, 24-ўринни эгаллади. Кейинги ўринларда Туркманистон (75-ўрин), Қирғизистон (82-ўрин), Тожикистон (92-ўрин) ва Ўзбекистон (97-ўрин) жойлашган.

Жаҳон рейтингида Люксембург биринчи ўринни эгаллади. Шунингдек, етакчилар қаторидан Исландия, Монако, Германия, Нидерландия, Норвегия, Греция, Бельгия, Словения, Австрия ва Таиланд ўрин олган.

Россия рейтингда 151-ўринни эгаллаган. АҚШ эса БМТнинг Бола ҳуқуқлари тўғрисидаги конвенциясини ҳалигача ратификация қилмагани учун индексга киритилмаган.

Рейтингнинг энг сўнгги — 194-ўрнини эса учинчи йил кетма-кет Афғонистон эгаллади.