Президент фармонига мувофиқ, Сардор Ўктамович Умурзоқов Ўзбекистон Президенти ҳузуридаги Стратегик ривожланиш ва ислоҳотлар агентлиги директори этиб тайинланди.

У бунга қадар, 2025 йил июль ойидан буён Президентнинг стратегик ривожланиш масалалари бўйича маслаҳатчиси лавозимида фаолият юритиб келаётган эди. Давлат раҳбарининг яна бир фармони билан мазкур лавозим тугатилди.

Шунингдек, Президент ҳузуридаги Стратегик ривожланиш ва ислоҳотлар агентлиги директори вазифасини бажарувчи Абдулла Абдуқодиров бошқа ишга ўтгани муносабати билан эгаллаб турган лавозимидан озод этилди.