Тошкент шаҳрининг Мирзо Улуғбек туманида жойлашган «Ўзбекистон» меҳмонхонасида ёнғин содир бўлди. Бу ҳақда Тошкент шаҳар Фавқулодда вазиятлар бош бошқармаси хабар қилди.

Маълум қилинишича, 12 июль куни соат 14:45 да Мустақиллик шоҳ кўчасида жойлашган меҳмонхонанинг 10-қаватида ёнғин юзага келгани ҳақида хабар келиб тушган.

Қутқарув экипажлари воқеа жойига соат 14:49 да етиб борган ва ёнғин соат 14:54 да тўлиқ ўчирилган.

Қайд этилишича, меҳмонхонада ўрнатилган ёнғинга қарши хавфсизлик тизимлари ўз вақтида ишлагани сабабли ёнғин қисқа вақт ичида бартараф этилган.

Дастлабки маълумотларга кўра, меҳмонхонанинг 10-қаватидаги хизматчилар хонаси ёнган. Ҳодиса оқибатида тан жароҳати олганлар қайд этилмаган.

Ҳозирда ёнғиннинг келиб чиқиш сабаблари аниқланмоқда.