Италия ҳуқуқни муҳофаза қилувчи органлари спорт журналисти Луиджи Эспозитонинг ўлими юзасидан тергов олиб бормоқда. 53 ёшли журналистнинг жасади мамлакат жанубида топилган. Терговнинг асосий версиясига кўра, жиноят шахсий можаро оқибатида содир этилган.

Маълумотларга кўра, журналист вафотидан олдин ҳужумга учраган. Дастлабки маълумотларга кўра, у калтакланган, сўнг жиноят изларини яшириш мақсадида жасадига ўт қўйилган. Қотиллик қуроли ҳозирча топилмаган. Суд-тиббий экспертизаси ўтказилиб, Эспозито воқеа жойига шахсий автомобилида келгани аниқланган.

Ҳозирда терговчилар журналистнинг ҳаракат йўналишини тиклаш ва ўша вақтда унинг ёнида ким бўлганини аниқлашга ҳаракат қилмоқда. «Rai News» хабар беришича, ҳуқуқни муҳофаза қилувчи органлар қотилликда журналистнинг касбий фаолияти билан боғлиқ мотивни истисно қилган. Терговнинг асосий йўналиши унинг шахсий муносабатлари билан боғлиқ эҳтимолий можарога қаратилган.

Терговни қийинлаштираётган омиллардан бири — жиноят содир этилган ҳудудда воқеани ёритишга ёрдам берадиган кузатув камералари мавжуд эмаслигидир.