Президентнинг «Тошкент шаҳрини 2026–2027 йилларда ижтимоий-иқтисодий ривожлантириш бўйича қўшимча чора-тадбирлар тўғрисида»ги қарорига мувофиқ, пойтахтдаги 35 та бозор, савдо мажмуаси ва уларнинг шохобчалари оммавий электрон аукционга чиқарилади.

Рўйхатдан «Наврўз деҳқон бозори», «Чилонзор буюм савдо комплекси», «Сергели деҳқон бозори», «Қўйлиқ деҳқон бозори», «Қора-қамиш деҳқон бозори», «Янгиобод ихтисослашган бозори», «Урикзор савдо комплекси», «Бекшукрон савдо» ҳамда бошқа йирик бозорлар ва уларнинг филиаллари ўрин олган.

Қарорга кўра, бозорлар ҳамда савдо мажмуаларидаги давлат улушлари, шунингдек уларга тегишли бино ва иншоотлар белгиланган тартибда баҳоланиб, электрон онлайн аукцион орқали сотувга қўйилади.