АҚШда Дональд Трампга тегишли гольф-клуб ҳудудида қуролланган шахс қўлга олинди.

Федерал агентлар гольф майдонида юрган, ҳудудни тасвирга олган ва, тахминларга кўра, хавфсизлик чора-тадбирларига тайёргарлик жараёнини кузатган эркакни пайқаган.

38 ёшли Жанин Жон Тэледан ўқ-дорилар солинган магазин топилган. Унинг автомобилида ўқланган тўппонча ва ўқ-дорилар, уйида эса қурол-яроғ, бронежилет ҳамда «ташвишли мазмундаги баёнотлар» ёзилган дафтарлар аниқланган.

Ҳодиса 2 август куни, Дональд Трампнинг Калифорнияга ташрифига икки кун қолганида содир бўлган.

Қайд этилишича, Тэле қўлга олинган пайтдаёқ талончилик иши бўйича тергов остида бўлган.