Хитойнинг шарқий қисмида шифокорлар ёш йигитда эшитиш сезгирлигининг вақтинча пасайишини қайд этди. Бунга сикадаларнинг узоқ вақт давомида кучлишовқин чиқариши сабаб бўлган.

Воқеа Чжецзян провинциясининг Нинбо шаҳрида яшовчи Ян исмли йигит билан содир бўлган. У июль ойи бошида ўрмонга саёҳатга чиққан. Туш пайтида зич ўрмон ҳудудида сикадаларнинг кучли чиғиллашини эшитган. Қулоқни ҳимоя қилувчи воситалари бўлмагани сабабли у бир неча соат давомида кучлишовқин таъсирида қолган.

Кечга бориб, йигит қулоқларида битиш ва ноқулайликни сезган, қулоқлари эса бироз шишган. Шунингдек, юқори частотали товушларни эшитишда қийинчилик пайдо бўлган — у қушларнинг сайраши ва мобиль телефон сигналларини зўрға фарқлай олган.

Шифокорлар унга кучли шовқин таъсирида юзага келган вақтинчалик эшитиш бузилиши ташхисини қўйган. Даволаниш ва икки ҳафта давомида тинчлик режимига риоя қилганидан сўнг, йигитнинг эшитиш қобилияти тўлиқ тикланган. Бу ҳақда South China Morning Post хабар берди.

Маълумотларга кўра, битта сикаданинг овози 70 децибелгача етиши мумкин. Бу чангютгич ишлашига ўхшаш товуш бўлиб, одатда хавф туғдирмайди. Бироқ сикадалар «хори»нинг умумий шовқини 85 децибелдан ошиши мумкин. Узоқ вақт давомида бундай шовқин таъсирида қолиш эшитиш қобилиятида қайтмас ўзгаришларга олиб келиши мумкин.