Аргентиналик футбол юлдузи Лионель Месси оғир жудоликка учради. Унинг отаси ва узоқ йиллар давомида шахсий агенти бўлиб келган Хорхе Месси 68 ёшида вафот этди.

Хабарларга кўра, Хорхе Месси 7 август куни Аргентинанинг Росарио шаҳридаги тиббиёт муассасаларидан бирида, тахминан соат 22:00 да ҳаётдан кўз юмган. У узоқ вақт давомида оғир хасталик билан курашиб келган.

Хорхе Месси ўғлининг бутун профессионал фаолияти давомида унинг ягона агенти сифатида ишлаган ва Лионель Мессининг футболдаги карьераси шаклланишида муҳим ўрин тутган.

39 ёшли Лионель Месси ҳозирда АҚШнинг «Интер Майами» клуби ҳамда Аргентина терма жамоаси сафида тўп тепмоқда. У фаолияти давомида 8 марта «Олтин тўп» соҳиби бўлган, Испания чемпионатида 10 марта, Франция чемпионатида икки марта ғолиб чиққан ва Чемпионлар лигасида 4 бор бош совринни қўлга киритган.

Месси Аргентина терма жамоаси билан 2008 йилги Олимпиадада олтин медални қўлга киритган ва 2022 йилда жаҳон чемпиони бўлган.