Мустақиллик байрами муносабати билан Ўзбекистонда фуқароларни кетма-кет бир неча кун дам олиш куни кутиши мумкин.

Дастлабки маълумотларга кўра, 5 кунлик иш ҳафтасида ишловчилар 29 август (шанба), 30 август (якшанба), 31 август (душанба) ва 1 сентябрь (сешанба) кунлари — кетма-кет 4 кун дам олиши мумкин.

6 кунлик иш ҳафтасида ишловчилар учун эса 30 август (якшанба), 31 август (душанба) ва 1 сентябрь (сешанба) кунлари — кетма-кет 3 кун дам олиш куни бўлиши мумкин.

Бироқ ҳозирча ушбу тартиб бўйича расмий қарор эълон қилинмаган. Шу сабабли якуний дам олиш кунлари расмий ҳужжат қабул қилинганидан сўнг аниқ бўлади.