АҚШнинг Оклахома, Теннесси ва Алабама штатларида 13 август куни ўлим жазосига ҳукм қилинган уч нафар маҳбусни қатл этиш режалаштирилмоқда. Бу АҚШда сўнгги 16 йил ичида учта штатда бир кунда учта қатл амалга оширилиши бўйича биринчи ҳолат бўлади.

Алабама штатида Жереми Уильямсни ўлим инъекцияси орқали қатл этиш режалаштирилган. У 2021 йилда беш ёшли қизалоқни зўрлаш ва ўлдиришда айбланган.

Оклахомада Карлос Куэста-Родригес 2003 йилда фуқаролик никоҳидаги рафиқасини ўлдиргани учун ўлим жазосига ҳукм қилинган.

Теннесси штатида эса Энтони Хайнс 1985 йилда тўрт нафар фарзанднинг онасини ўлдиргани учун қатл этилиши кутилмоқда.

Ўлим жазоси бўйича ахборот маркази маълумотларига кўра, АҚШда сўнгги марта учта штатда бир кунда қатл ижролари амалга оширилган.

Айни пайтда АҚШнинг 23 штатида ўлим жазоси бекор қилинган, яна учта штатда эса уни ижро этишга мораторий жорий этилган.