Ҳукумат Ўзбекистонда газ сизиб чиқишини бартараф этиш механизмини яратиш бўйича лойиҳа параметрларини тасдиқлади. Ҳужжат Lex.uz порталида эълон қилинди.

Лойиҳа Жаҳон банки кўмагида ва ташкилот томонидан ажратилган грант маблағлари ҳисобидан амалга оширилмоқда. Бу жорий йил учун тасдиқланган Ўзбекистон-2030 стратегиясини амалга ошириш бўйича давлат дастурида назарда тутилган.

Ҳужжатда қайд этилишича, бутун мамлакат бўйлаб Ўзтрансгаз инфратузилмаси таҳлили 1 мингдан ортиқ муаммоли нуқтани аниқлаган. Ҳар йили бу жойларда 35 млн кубометрга яқин газ сизиб чиқмоқда.

Ўзбекистон газ ташиш инфратузилмасидаги сизиб чиқишларни бартараф этиш ва газ йўқотишларини камайтириш учун Жаҳон банкидан 10,6 млн доллар грант олди.

Мамлакат бўйлаб «Ўзтрансгаз» инфратузилмаси таҳлил қилиниб, 1 мингдан ортиқ муаммоли нуқта аниқланган. Ушбу жойларда йилига қарийб 35 млн куб метр газ сизиб чиқиши қайд этилган.

Ажратилган маблағнинг асосий қисми — 9,6 млн доллар бевосита газ йўқотишларини камайтириш ва сизиб чиқишларни бартараф этишга йўналтирилади. Яна 500 минг доллар мониторинг тизимларини такомиллаштиришга, 500 минг доллар эса лойиҳани амалга ошириш гуруҳини шакллантириш ва хорижий экспертларни жалб этишга сарфланади.

Лойиҳа доирасида газ сизиб чиқишини аниқлаш ва мониторинг қилиш тизимлари жорий этилади, газ ташиш инфратузилмаси модернизация қилинади.

Шунингдек, сизиб чиқишларни бартараф этиш натижасида тежалган маблағларни қайта инвестициялаш ва уларни газ йўқотишларини янада камайтиришга йўналтириш тартиби белгиланади.