Қозоғистон президенти Қосим-Жомарт Тўқаев ШҲТ саммитидан қайтиши билан мамлакат ташқи ишлар вазирини алмаштирди.

Муҳтар Тилеуберди ТИВ раҳбари этиб тайинланди. У 2019–2023 йилларда ҳам ушбу лавозимда ишлаган.

Қизиғи, бу Тўқаевнинг йирик хорижий сафардан қайтиши билан ТИВ раҳбарини алмаштириши бўйича иккинчи ҳолат.

2025 йилда Тўқаевнинг АҚШга ташрифидан кейин ҳам Қозоғистон ТИВ раҳбари алмашган. Ўшанда Мурат Нуртлеу лавозимидан озод қилиниб, унинг ўрнига Ермек Кошербаев тайинланган эди.