Қаҳрамон Қуронбоев Ўзбекистон Маҳаллалари уюшмаси раиси лавозимидан озод этилди.

У 2024 йил январь ойида Ўзбекистон Маҳаллалари уюшмаси раиси этиб сайланган эди. Шу муносабат билан Президент Администрацияси Ёшлар сиёсати департаменти раҳбари лавозимидан озод қилинган.

Қаҳрамон Қуронбоев 1970 йилда туғилган. У турли йилларда «Камолот» ёшлар ижтимоий ҳаракати, Ўзбекистон Миллий университети, Давлат бошқаруви академияси ва Вазирлар Маҳкамасида раҳбарлик лавозимларида фаолият юритган. 2017 йилдан Ёшлар иттифоқига раҳбарлик қилган.

Айтилишича, Қуронбоевнинг ўрнига Мирзаев Ғофуржон Ғаниевич Ўзбекистон Маҳаллалари уюшмаси раиси лавозимига тайинланган.

Ўзбекистон Маҳаллалари уюшмаси 2023 йил 21 декабрдаги Президент қарори асосида ташкил этилган.