АҚШнинг Калифорния штатидаги Хесперия аҳоли пунктида бир двигателли самолёт ҳалокатга учради. Ҳодиса оқибатида икки киши ҳалок бўлган.

Маълумотларга кўра, воқеа маҳаллий вақт билан тахминан соат 09:45 да содир бўлган.

Ҳалокат сабаблари ҳозирча маълум эмас. АҚШ Федерал авиация маъмурияти (FAA) ва Миллий транспорт хавфсизлиги кенгаши (NTSB) ҳодиса юзасидан тергов бошлаган.

Текширув жараёнида самолётнинг ҳалокатга учраш сабаблари ва бошқа тафсилотлар аниқланади.