Москвадан Владивостокка парвоз қилаётган самолёт бортида йўловчилардан бири вафот этди. Бу ҳақда авиакомпания маълум қилди.
22 сентябрь куни парвоз вақтида йўловчининг аҳволи кескин ёмонлашган. Экипаж дарҳол унга ёрдам кўрсатган, бунда самолёт бортида бўлган тиббиёт ходими ҳам кўмаклашган.
Самолёт қўмондони қарорига кўра, самолёт энг яқин аэропорт — Благовешенскда қўнишга йўналтирилган. Қўнишдан сўнг самолётга кирган шифокорлар йўловчининг вафот этганини қайд этган.
Тегишли тартиблар амалга оширилганидан сўнг рейс Владивостокка йўл олган. Самолёт Благовешенскдан Москва вақти билан соат 07:04 да учиб кетган.
Сўнгги янгиликлар