20–22 сентябрь кунлари Дубайдан Тошкентга учиб келган 3 нафар йўловчи 8 та янги iPhone 18 ва 6 та iPhone 17 смартфонини декларациясиз олиб киришга уринган.

Божхона ходимларининг оғзаки сўровида ҳам маълум қилинмаган телефонларнинг умумий қиймати 227 млн сўмни ташкил қилган.

Амалдаги тартибга кўра, хориждан олиб кирилаётган мобил қурилмалар йўловчи божхона декларациясида кўрсатилиши керак. Акс ҳолда, кейинчалик UZIMEI тизимида рўйхатдан ўтказишда телефоннинг тўлиқ қийматидан 30 фоиз миқдорида ягона божхона тўлови ундирилади.

Йил бошидан буён «Тошкент-АЭРО» ИБК томонидан қиймати 7,8 млрд сўмлик 162 та мобил қурилманинг ноқонуний олиб кирилишига чек қўйилган.

Ҳозирда аниқланган ҳолатлар юзасидан божхона текширувлари давом этмоқда.