Францияда ўтказилган сўровномада иштирок этганларнинг 81 фоизи намойишлар вақтида зарар етказган вояга етмаган болаларнинг ота-онаси етказилган моддий зарарни қоплаши керак, деган фикрни қўллаб-қувватлаган.
Гап мактаб ўқувчилари иштирокидаги норозилик намойишлари ҳақида кетмоқда. Намойишлар вақтида етказилган моддий зарар миқдори ўнлаб миллион евро деб баҳоланмоқда.
Аввалроқ Франция адлия вазири Жеральд Дарманен намойишларда иштирок этган ўқувчиларнинг ота-онасидан уларнинг фарзандлари етказган зарарни қоплаш учун маблағ ундириш режасини билдирган.
Сўровнома натижаларига кўра, мазкур ташаббусни қўллаб-қувватлаш даражаси респондентларнинг ёши, жинси ёки сиёсий қарашларига қараб сезиларли фарқ қилмаган.
Сўровнома 1–2 октябрь кунлари онлайн шаклда ўтказилган. Унда Францияда яшовчи 18 ёшдан катта 1010 нафар киши иштирок этган. Сўровнинг статистик хатолик даражаси кўрсатилмаган.
Сўнгги янгиликлар