Ўзбекистон ТИВ Латвия Ички ишлар вазирлигининг Ўзбекистон фуқароларига виза беришни вақтинча чеклаш таклифи юзасидан изоҳ берди.

ТИВга кўра, таклиф пайдо бўлгач, Ўзбекистоннинг Ригадаги элчихонаси Латвия Бош вазири офиси, ТИВ, Иқтисодиёт вазирлиги ва Президент администрацияси вакиллари билан музокаралар ўтказган.

Музокараларда чекловларнинг икки томонлама муносабатларга эҳтимолий таъсири бўйича Ўзбекистон позицияси етказилган. Натижада Латвия томони амалдаги тартибни ўзгартиришга эҳтиёж йўқлигини билдирган, дея маълум қилди Ўзбекистон ТИВ.

Аввалроқ Латвия ИИВ бир неча Ўзбекистон фуқароси мамлакатга келганидан кейин жиноят содир этганини важ қилиб, ўзбекистонликларга виза беришни муайян муддатга чеклашнитаклиф қилганди. Масала ҳукумат йиғилиши кун тартибига киритилмаган.