АҚШнинг Висконсин университети олими Фрэнсис Ҳалзен 2026 йилги физика бўйича Нобель мукофотига сазовор бўлди.

У мукофотни IceCube нейтрино обсерваториясини яратишдаги ҳал қилувчи ҳиссаси ва астрофизик келиб чиқишга эга юқори энергияли нейтриноларни кашф этгани учун қўлга киритди.

Ҳалзен Жанубий қутбдаги муз қатламидан нейтриноларни қайд этишда фойдаланиш мумкинлигини илгари сурган. Унинг раҳбарлигида бир куб километр ҳажмдаги муз қатламига ёруғлик датчиклари ўрнатилиб, IceCube обсерваторияси барпо этилган.

Ушбу обсерватория орқали олимлар олис коинотдаги ўта юқори энергияли жараёнларда ҳосил бўладиган нейтриноларни аниқлаш имконига эга бўлган.

Нобель ҳафталиги 5 октябрда физиология ёки тиббиёт бўйича мукофот соҳибларини эълон қилиш билан бошланган. 7 октябрда кимё, 8 октябрда адабиёт, 9 октябрда Тинчлик бўйича Нобель мукофоти лауреатлари маълум қилинади. Иқтисодиёт бўйича мукофот эса 12 октябрда эълон қилинади.