Янги Зеландия полицияси 200 та боғ гноми ва бошқа безак буюмларининг эгаларини қидирмоқда. Ушбу буюмлар Мастертон шаҳрида ўтказилган тинтув давомида аниқланган.

Топилган буюмлар орасида боғ гномларидан ташқари, қушлар чўмиладиган ҳовузчалар, боғ мебеллари, айвонча, аравачалар, безак шамол тегирмонлари, қуёш энергиясида ишлайдиган чироқлар, болалар аравачалари, металл қуш ҳайкалчалари, тувакдаги ўсимликлар, бетондан ясалган жираф ва Будданинг бир нечта ҳайкалчаси бор.

Полиция маълумотига кўра, ушбу буюмлар сўнгги 6–12 ой давомида шу ҳудуддаги турли жойлардан ўғирланган.

Маҳаллий аҳолига ўз боғлари ва уйлари атрофини текшириб чиқиш тавсия этилди. Агар кимдир ўз буюмлари йўқолганини аниқласа, тегишли ҳужжатлар (ёки тасдиқловчи далиллар) билан полиция бўлимига мурожаат қилиши мумкин. Шунингдек, буюм йўқолгани ҳақида интернет орқали ёки ишонч телефонига қўнғироқ қилиб хабар бериш имконияти ҳам мавжуд.