Binance криптобиржаси хакерлик ҳужуми оқибатида етказилган зарарнинг 90 фоизини қоплаганини маълум қилди. Компания барча токенлар бўйича 100 фоизлик молиявий таъминотга эришиш учун активларни сотиб олишни давом эттирмоқда.

Платформанинг расмий баёнотида таъкидланишича, ҳодиса оқибатидаги молиявий йўқотишлар биржанинг ўз маблағлари ҳамда фойдаланувчиларни ҳимоя қилиш учун ташкил этилган SAFU захира жамғармаси ҳисобидан қопланади. Бу жараёнда мижозлар маблағларига зарар етказилмаслиги билдирилган.

Аввалроқ Binance асосчиси Чанпэн Чжао биржа хакерлик ҳужумига учраган бўлиши мумкинлигини маълум қилганди. Компаниянинг дастлабки баҳолашига кўра, ҳодиса тахминан 6,3 миллиард долларлик активларга таъсир кўрсатган.