Парагвай вице-президенти Педро Альяна мамлакат президенти сифатида қасамёд қабул қилди. Ушбу тайинлов амалдаги президент Сантьяго Пеньянинг импичмент орқали лавозимидан четлатилиши ортидан амалга оширилди.

Конгрессда бўлиб ўтган маросимда парламент аъзолари иштирок этди. Янги президент илк нутқида молиявий инқироздан жабр кўрган фуқароларга етказилган зарар тўлиқ қопланишини ваъда қилди.

Сиёсий инқирозга мамлакатдаги энг йирик рақамли банклардан бири — Ueno Bank'нинг банкротлик ёқасига келиб қолиши сабаб бўлди. Молия муассасасида капитал етишмовчилиги аниқланганидан сўнг Марказий банк уни ўз назоратига олиб, активларини музлатди.

Оқибатда қарийб 3 миллион мижоз банкнинг мобил иловаси, карталари ва пул ўтказмалари хизматларидан фойдалана олмай қолди. Бу эса мамлакат бўйлаб оммавий норозилик намойишларига сабаб бўлди.

Ҳозирда ҳукумат банк фаолиятини бутунлай тугатиш ва унинг кредит портфелини сотиш имкониятларини кўриб чиқмоқда.

Педро Альяна 2028 йил август ойигача президентлик лавозимида қолади.